NEWS; Wachimba migodi wakwama chini ya ardhi Afrika Kusini

By Nemmy Kim.

Wachimba migodi haramu waliokuwa wamekwama chini ya ardhi kwenye mgodi mmoja nchini Afrika Kusini tangu siku ya Jumatano wameokolewa.

Polisi wanasema kuwa wanaume hao watatu walibuka kutoa ardhini mapema leo wakiwa wamejawa na vumbi, na kisha kutoroka wakihofia kukamatwa kwa kuendesha shughuli haramu.

Ripoti zaidi zinasema kuwa juhudi za uokoaji zimesitishwa kutokana na kuwepo moto chini ya ardhi, lakini jamaa za wachimba migodi waliokwama wanataka shughuli hiyo kuendelea.

Maelfu ya wachimba migodi wasio na vibali hufanya kazi kwenye migodi mingi ya dhahabu, maeneo yanayozunguka mji wa Johannesburg.